កំពត ៖
មានករណីមនុស្សឃាតនឹកស្មានមិនដល់មួយ ដែលក្មេងប្រុសអាយុ១៤ឆ្នាំម្នាក់ត្រូវបានក្លាយជាអ្នកទោស
បន្ទាប់ពីលួងលោមក្មេងស្រីអាយុ៨ឆ្នាំម្នាក់
ដោះយកក្រវិលមាស១គូរទំងន់២ហ៊ុន ហើយរុញក្មេងស្រីរងគ្រោះទម្លាក់ទឹកពីលើស្ពានដៃព្រែកមួយស្ថិតក្នុងភូមិកំពង់សំរោង ឃុំកំពង់សំរោង ស្រុកទឹកឈូ ដើម្បីសម្លាប់បំបិទដាន។
ចំពោះករណីនេះមុនដំបូងក្រុមគ្រួសារយល់ថា
ក្មេងស្រីរងគ្រោះស្លាប់ដោយសារលង់ទឹក
ប៉ុន្តែព្រោះតែបាត់ក្រវិលរួមនឹងស្លាកស្នាមរបួសខ្លួនប្រាណផងនោះ
ទើបសមត្ថកិច្ចយល់ថា ជាអំពើឃាតកម្ម
ទើបស្រាវជ្រាវក៏ឈានទៅឃាត់ខ្លួនបានឃាតកនៅថ្ងៃដដែលតែម្តង ដោយហេតុការណ៍គួរឱ្យភ្ញាក់ផ្អើលនេះបានកើតឡើងកាលពីចន្លោះម៉ោង៩ទៅម៉ោង១០ព្រឹក ថ្ងៃទី១២ កុម្ភៈ ។
តាមប្រភពព័ត៌មានពីក្រុមគ្រួសារកុមារីរងគ្រោះឱ្យដឹងថា នៅវេលាម៉ោង៩ព្រឹកនោះម្តាយនាងបានប្រើឱ្យទៅទិញកាពិមកស្លនៅផ្ទះ តៀមមួយក្នុងភូមិ ។ ពេលនាងចេញមកពីផ្ទះ ត្រូវបានកុមារាជាជនសង្ស័យឌុបកង់ចេញទៅជាមួយ លុះដល់ម៉ោង១០ព្រឹកក៏មានអ្នកភូមិឆោឡោ ព្រោះប្រទះឃើញសពកុមារីនៅមាត់ព្រែកក្បែរស្ពាន ដោយក្បាលធ្លាក់ទៅក្នុងទឹក ដងខ្លួននៅលើច្រាំង ។ ពេលនោះអ្នកភូមិក៏បានផ្តល់ដំណឹងទៅក្រុមគ្រួសារ លុះក្រុមគ្រូសារឪពុកម្តាយមកដល់កន្លែងកើតហេតុ លើកសពឡើងឃើញមានស្នាមជាំត្រង់ក និងបាត់ក្រវិលមាសនៅត្រចៀក ក៏រាយការណ៍ទៅសមត្ថកិច្ចឱ្យមកពិនិត្យសព ។
លោកគង់ សុខន នាយការិយាល័យនគរបាលព្រហ្មទណ្ឌកម្រិតធ្ងន់ខេត្តបានឱ្យដឹងថា ក្រោយពីមានរបាយការណ៍ពីអធិការនគរបាលស្រុកទឹកឈូជុំវិញករណីសព កុមារីខាងលើ កម្លាំងការិយាល័យនគរបាលបច្ចេកទេសបានចុះទៅពិនិត្យសព ហើយសន្និដ្ឋានថា មិនមែនស្លាប់ដោយលង់ទឹកទេ គឺស្លាប់ដោយការសម្លាប់យ៉ាងពិតប្រាកដ ពីព្រោះនៅលើដងខ្លួនកុមារីរងគ្រោះមានស្នាមជាំក និងបាត់ក្រវិលមួយគូ ។ លុះសមត្ថកិច្ចធ្វើការស្រាវជ្រាវក៏ឈានទៅឃាត់ខ្លូនក្មេងប្រុស ឈ្មោះ ឃាង សុវណ្ណរ៉ា អាយុ១៤ឆ្នាំ ដែលឌុបកុមារីទៅទិញកាពិនោះនៅវេលាម៉ោង៦ល្ងាចថ្ងៃដដែលនាំមក កាន់ស្នងការដ្ឋានដើម្បីសាកសួរ ។
សមត្ថកិច្ចការិយាល័យស្នងការនគរបាលខេត្តកំពត បានឲ្យដឹងថា ក្មេងស្រីរងគ្រោះមានឈ្មោះ ណ បូរមី អាយុ៨ឆ្នាំ ដោយឡែកជនសង្ស័យជាឃាតកដៃដល់មានឈ្មោះ ឃាង សុវណ្ណរ៉ា ភេទប្រុស អាយុ១៤ឆ្នាំ មុខរបរជាសិស្ស។ រវាងឃាតកនិងជនរងគ្រោះមានទីលំនៅក្នុងភូមិត្រពាំងកញ្ឆែត ឃុំត្រពាំងកញ្ចែត ស្រុកទឹកឈូ ខេត្តកំពត។ ប៉ូលិសបានបញ្ជាក់ថាជនសង្ស័យត្រូវសមត្ថកិច្ចឃាត់ខ្លួនកាលពីវេលា ម៉ោ១៨ល្ងាច ថ្ងៃទី១២ ខែកុម្ភៈ ឆ្នាំ២០១៣នៅចំណុចភូមិ ឃុំ ខាងលើ ក្រោយពីគេបានធ្វើសកម្មភាព ប្រមាណ៨ម៉ោង។
ប៉ូលិសបន្តថា អំពើឃាតកម្មនេះអាចកើតឡើងក្នុងចន្លោះម៉ោង៩ទៅ១០ព្រឹក ថ្ងៃទី១២ ខែកុម្ភៈ ឆ្នាំ២០១៣ នៅចំណុចស្ពានទឹកម៉ា ក្នុងភូមិ ឃុំ ខាងលើ ហើយករណីនេះផ្តើមឡើងព្រោះតែក្មេងប្រុសចង់បានក្រវិលមាស២ហ៊ុន ប៉ុណ្ណោះ។
តាមមន្ត្រីប៉ូលិសឱ្យដឹងថា ដំបូងក្មេងប្រុសនេះបដិសេធពុំព្រមទទួលកំហុសដែលខ្លួនបានប្រព្រឹត្ត ទេ តែក្រោយពីសាកសួរតាមនីតិវិធីរួចមក ក៏បានសារភាពប្រាប់សមត្ថកិច្ចដោយត្រង់ថា ខ្លួនពិតជាសម្លាប់កុមារីដោយច្របាច់កដោះយកក្រវិលមួយគូ រួចរុញទម្លាក់ពីលើស្ពានដៃព្រែកប្រាកដមែន ។ ក្រវិលដែលខ្លួនដោះយកនោះ បានប្រគល់ឱ្យម្តាយខ្លួនទុកម្ខាង ឯម្ខាងទៀតខ្លួនលក់បាត់ទៅហើយ ។ ដំបូងសមត្ថកិច្ចទៅយកក្រវិលពីម្តាយបានតែមួយចំហៀងទេ លុះក្រោយមកទើបឈានទៅយកពីកន្លែងជនសង្ស័យទៅលក់នោះបានមួយចំហៀង ទៀត ។
បច្ចុប្បន្នក្មេងប្រុសជាឃាតកត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងខេត្តកំពត ចាត់ការតាមនីតិវិធីច្បាប់ ដោយឡែកសពក្មេងស្រីរងគ្រោះបន្ទាប់ពីជំនាញបានពិនិត្យរួចរាល់ ក៏ប្រគល់ជូនទៅក្រុមគ្រួសារចាត់ចែងធ្វើបុណ្យតាមប្រពៃណី៕
តាមប្រភពព័ត៌មានពីក្រុមគ្រួសារកុមារីរងគ្រោះឱ្យដឹងថា នៅវេលាម៉ោង៩ព្រឹកនោះម្តាយនាងបានប្រើឱ្យទៅទិញកាពិមកស្លនៅផ្ទះ តៀមមួយក្នុងភូមិ ។ ពេលនាងចេញមកពីផ្ទះ ត្រូវបានកុមារាជាជនសង្ស័យឌុបកង់ចេញទៅជាមួយ លុះដល់ម៉ោង១០ព្រឹកក៏មានអ្នកភូមិឆោឡោ ព្រោះប្រទះឃើញសពកុមារីនៅមាត់ព្រែកក្បែរស្ពាន ដោយក្បាលធ្លាក់ទៅក្នុងទឹក ដងខ្លួននៅលើច្រាំង ។ ពេលនោះអ្នកភូមិក៏បានផ្តល់ដំណឹងទៅក្រុមគ្រួសារ លុះក្រុមគ្រូសារឪពុកម្តាយមកដល់កន្លែងកើតហេតុ លើកសពឡើងឃើញមានស្នាមជាំត្រង់ក និងបាត់ក្រវិលមាសនៅត្រចៀក ក៏រាយការណ៍ទៅសមត្ថកិច្ចឱ្យមកពិនិត្យសព ។
លោកគង់ សុខន នាយការិយាល័យនគរបាលព្រហ្មទណ្ឌកម្រិតធ្ងន់ខេត្តបានឱ្យដឹងថា ក្រោយពីមានរបាយការណ៍ពីអធិការនគរបាលស្រុកទឹកឈូជុំវិញករណីសព កុមារីខាងលើ កម្លាំងការិយាល័យនគរបាលបច្ចេកទេសបានចុះទៅពិនិត្យសព ហើយសន្និដ្ឋានថា មិនមែនស្លាប់ដោយលង់ទឹកទេ គឺស្លាប់ដោយការសម្លាប់យ៉ាងពិតប្រាកដ ពីព្រោះនៅលើដងខ្លួនកុមារីរងគ្រោះមានស្នាមជាំក និងបាត់ក្រវិលមួយគូ ។ លុះសមត្ថកិច្ចធ្វើការស្រាវជ្រាវក៏ឈានទៅឃាត់ខ្លូនក្មេងប្រុស ឈ្មោះ ឃាង សុវណ្ណរ៉ា អាយុ១៤ឆ្នាំ ដែលឌុបកុមារីទៅទិញកាពិនោះនៅវេលាម៉ោង៦ល្ងាចថ្ងៃដដែលនាំមក កាន់ស្នងការដ្ឋានដើម្បីសាកសួរ ។
សមត្ថកិច្ចការិយាល័យស្នងការនគរបាលខេត្តកំពត បានឲ្យដឹងថា ក្មេងស្រីរងគ្រោះមានឈ្មោះ ណ បូរមី អាយុ៨ឆ្នាំ ដោយឡែកជនសង្ស័យជាឃាតកដៃដល់មានឈ្មោះ ឃាង សុវណ្ណរ៉ា ភេទប្រុស អាយុ១៤ឆ្នាំ មុខរបរជាសិស្ស។ រវាងឃាតកនិងជនរងគ្រោះមានទីលំនៅក្នុងភូមិត្រពាំងកញ្ឆែត ឃុំត្រពាំងកញ្ចែត ស្រុកទឹកឈូ ខេត្តកំពត។ ប៉ូលិសបានបញ្ជាក់ថាជនសង្ស័យត្រូវសមត្ថកិច្ចឃាត់ខ្លួនកាលពីវេលា ម៉ោ១៨ល្ងាច ថ្ងៃទី១២ ខែកុម្ភៈ ឆ្នាំ២០១៣នៅចំណុចភូមិ ឃុំ ខាងលើ ក្រោយពីគេបានធ្វើសកម្មភាព ប្រមាណ៨ម៉ោង។
ប៉ូលិសបន្តថា អំពើឃាតកម្មនេះអាចកើតឡើងក្នុងចន្លោះម៉ោង៩ទៅ១០ព្រឹក ថ្ងៃទី១២ ខែកុម្ភៈ ឆ្នាំ២០១៣ នៅចំណុចស្ពានទឹកម៉ា ក្នុងភូមិ ឃុំ ខាងលើ ហើយករណីនេះផ្តើមឡើងព្រោះតែក្មេងប្រុសចង់បានក្រវិលមាស២ហ៊ុន ប៉ុណ្ណោះ។
តាមមន្ត្រីប៉ូលិសឱ្យដឹងថា ដំបូងក្មេងប្រុសនេះបដិសេធពុំព្រមទទួលកំហុសដែលខ្លួនបានប្រព្រឹត្ត ទេ តែក្រោយពីសាកសួរតាមនីតិវិធីរួចមក ក៏បានសារភាពប្រាប់សមត្ថកិច្ចដោយត្រង់ថា ខ្លួនពិតជាសម្លាប់កុមារីដោយច្របាច់កដោះយកក្រវិលមួយគូ រួចរុញទម្លាក់ពីលើស្ពានដៃព្រែកប្រាកដមែន ។ ក្រវិលដែលខ្លួនដោះយកនោះ បានប្រគល់ឱ្យម្តាយខ្លួនទុកម្ខាង ឯម្ខាងទៀតខ្លួនលក់បាត់ទៅហើយ ។ ដំបូងសមត្ថកិច្ចទៅយកក្រវិលពីម្តាយបានតែមួយចំហៀងទេ លុះក្រោយមកទើបឈានទៅយកពីកន្លែងជនសង្ស័យទៅលក់នោះបានមួយចំហៀង ទៀត ។
បច្ចុប្បន្នក្មេងប្រុសជាឃាតកត្រូវបានសមត្ថកិច្ចកសាងសំណុំរឿង បញ្ជូនទៅសាលាដំបូងខេត្តកំពត ចាត់ការតាមនីតិវិធីច្បាប់ ដោយឡែកសពក្មេងស្រីរងគ្រោះបន្ទាប់ពីជំនាញបានពិនិត្យរួចរាល់ ក៏ប្រគល់ជូនទៅក្រុមគ្រួសារចាត់ចែងធ្វើបុណ្យតាមប្រពៃណី៕
0 comments :
Post a Comment